2025 сылга кулун тутар 10 күнүгэр РСФСР үтүөлээх, Саха АССР народнай артыыската Дарья Даниловна Слепцова төрөөбүтэ 110 сылын туолбута. Д. Д. Слепцова Таатта улууһун Уолбатыгар төрөөбүтэ, Уолба сэттэ кылаастаах оскуолатын үөрэнэн бүтэрбитэ. Салгыы учуутала Т. П. Местников салайыытынан саха театрыгар үлэлии киирбитэ.
Дарья Слепцова айылҕаттан улахан талааннаах артыыс этэ. Театрга үлэтин туһунан “Антология Саха театра” (Дьокуускай, 2010 с.) кинигэттэн быһа тардыыны киллэрэбит:
Д.Д.Слепцова уверенно и красиво вошла в плеяду выдающихся актеров. Она создала много ярких образов, среди которых Ньургуу в спектакле “Сайсары” Д. К. Сивцева-Суоруна Омомллоона, Маайа в спектакле “Тина жизни” и Кэтириис в спектакле “Любовь” А. И. Софронова, Ира в спектакле “Маарыкчанские парни” С. С. Яковлева-Эрилик Эристиина, Айыы Куо в спектакле “Красный шаман” П. А. Ойунского и другие. После исполнения роли Кюнняя для зрителей она стала Кюнняем, после роли Кюн Чемчюк в трагедии “Айаал” Д. К. Сивцева-Суоруна Омоллоона – Кюн Чемчюком (Солнечным Камнем), символом творческой одухотворенности, преданности искусству, женственности и красоты, драгоценным редким камнем, бережно вложенным в основу национального тетрального искусства.
Д.Д.Слепцова Саха театрыгар үлэлээбит кэмнэригэр 50-тан тахса чаҕылхай, көрөөччү сүрэҕигэр киирэр оруоллары оонньообута биллэр.
Салгыы артыыска Дарья Слепцова бэйэтэ илиитинэн суруйбут автобиографиятын киллэрэбит.
Дарья Слепцова уһулуччу талаанын бэлиэтээн, саха искусствотыгар киллэрбит кылаатын сыаналаан, 1941 сыллаахха тохсунньу 3 күнүгэр 5-с нүөмэрдээх бирикээһинэн Саха АССР үтүөлээх артыыһын, 1947 сыллаахха бэс ыйын 5 күнүгэр РСФСР үтүөлээх артыыһын, онтон бэс ыйын 26 күнүгэр 3-с нүөмэрдээх бирикээһинэн Саха АССР народнай артыыһын аатын иҥэрбиттэрэ.
Кини сырдык аатын үйэтитэн, 2015 сыллаахха Ефим Николаевич Степанов “Даарыйа барахсан…” диэн кинигэни бэчээттэтэн таһаарбыта.
Д.Д. Слепцова олоҕун, айар үлэтин сырдатар слайданы бу ссылканан киирэн көрүҥ:
Онтон быйыл, 2025 сылга биир дойдулаахтара “Тэтим” радиоҕа биэрии бэлэмнээн таһаарбыттара. Эһиги болҕомтоҕутугар ол биэриини таһаарабыт: