Арассыыйаҕа дьиэ-кэргэн, Саха Өрөспүүбүлүкэтигэр оҕо саас, Таатта улууһугар Таптал, Эрэл, Итэҕэл  сылларыгар саха бастакы үөрэхтээх дьахтара, олоҥхоһут, ырыаһыт, фольклору хомуйааччы, учуонай, чинчийээччи   Мария Николаевна Андросова-Ионова төрөөбүтэ 160 сылыгар аналлаах тэрээһин балаһыанньата.

Буолар сирэ: Таатта улууһа, Уолба сэлиэнньэтэ

Буолар күнэ, дьыла: Алтынньы 14 күнэ 2024 сыл

Тэрийээччилэр: Игнатий Слепцов аатынан норуот айымньытын киинэ, Уолба орто оскуолата, М.И.Кузьмин-Макар Хара аатынан модельнай библиотека.

Сыала-соруга:

• Саха бастакы үөрэхтээх дьахтара, олоҥхоһут, ырыаһыт, фольклорист, учуонай — чинчийээччи Андросова-Ионова Мария Николаевна олоҕун, айар үлэтин сырдатыы, дьоҥҥо-сэргэҕэ тарҕатыы, билиһиннэрии;
• Норуот тылынан уус-уран айымньытын ураты көрүҥнэрин олоҕурбут ньыманан толорууну өйөөһүн, салҕыы сайыннарыы;
• Толоруу маастарыстыбатын үрдэтии, саҥа талааннары арыйыы, олоҥхону толоруу ис — тас кэрэтин кэрэхсэтии;
• Дьахтар айылҕаттан айдарыылаах бары өттүнэн дэгиттэр талаанын үүнэр көлүөнэҕэ тиэрдии.

Тэрээһин ирдэбилэ:

1. “Олоҥхоһут кыыс”

Уһуйаан уонна оскуола саастаах кыргыттарга олоҥхону биирдиилээн толорууга күрэс.  (Сыһыарыы)

1. Кыраайы үөрэтэр ааҕыылар.

Ирдэбилэ: Ааҕыы 3 бөлөҕүнэн арахсан үлэлиир: 5-8 кылаас, 9-11 кылаас оҕолоро уонна улахан дьон кыттыыны ылаллар.  Кыттааччы үлэтин кумааҕыга бэчээттэммитин тустаах секция экспертнэй хамыыһыйатыгар туттарар, ону тэҥэ презентационнай матырыйаал оҥорон көмүскүүр. Хас биирдии секцияҕа тус – туспа экспертнэй хамыыһыйа үлэлиир. Тэрийээччилэр видеопроекторынан, экранынан хааччыйаллар.

Ааҕыы секциялара:

1) “Үйэлэргэ өлбөөдүйбэт өйдөбүнньүк оҥостубуттара” (М. Н. Андросова-Ионова дьиэ кэргэн бигэ туруктаныытыгар суруйбут үлэлэрин ырытыы);

2) “Улуу үлэһит, күндү ийэ М. Н. Андросова-Ионова”(дьиэ кэргэҥҥэ ийэ оруолун туһунан);

3)”Күүстээх тапталлаах кэргэн, бастыҥ аҕа…” (В. М. Ионов холобуругар дьиэ кэргэҥҥэ аҕа оруолун туһунан сырдатыы, ырытыы);

4) М. Н. Андросова-Ионова фольклорга үлэлэлэрэ.

3. 3. “Өй оонньуута”.

Мария Николаевна Андросова – Ионова  олоҕор, айар үлэтигэр аналлаах  оонньууга нэһилиэк аайыттан 4 кыттааччылаах хамаанда  ирдэнэр (оскуола оҕото — 1кыттааччы, ыччат — 1 кыттааччы, 36 сааһыттан үөһэ саастаах — 1 кыттааччы, нэһилиэк, биитэр оскуола библиотекара — 1).

3. Тэрээһин уопсай ирдэбилэ: Кыттааччылар сайаапканы алтынньы 11 күнүгэр диэри түһэрэллэр. Кыттыы иһин хас биирдии кыттааччы 300 солк. төлүүр. Тэрийээччи тэрээһин боппуруоска уларытыыны киллэриэн сөп. Кэлии-барыы, аһылык ороскуотун кыттааччылар бэйэлэрэ уйуналлар.
4. Дресс-код: Хас биирдии кыттааччы сахалыы таҥастаах буолара ирдэнэр.
5. Наҕараадалааһын: Хас биирдии түһүмэҕинэн 1, 2, 3 миэстэлэр, анал ааттар ананаллар, нэһилиэктэринэн уопсай түмүк тахсар.
6. Билсэр аадырыскыт: Таатта улууһа, Уолба сэл., 89679138762, 89243605962- Боппосова Анна Петровна, 89248789905- Рахлеева Екатерина Юлиевна, 89963154019- Егоров Леонид Арсентьевич, 89245628209- Семенова Виктория Александровна

Программата:

09-00 ч.-  М.Н. Андросова-Ионова олорон ааспыт алааһыгар сылдьыы, сүгүрүйүү.

09-30 ч. – Тэрээһин кыттыылаахтарын көрсүү, бэлиэтээһин

10-00 ч. — Саха бастакы үөрэхтээх дьахтара, олоҥхоһут, ырыаһыт, фольклорист, учуонай — чинчийээччи   Мария Николаевна Андросова-Ионова төрөөбүтэ 160 сылыгар аналлаах үбүлүөйдээх тэрээһин арыллыыта.

11-00 “Олоҥхоһут кыыс” уһуйаан, оскуола саастаах кыргыттарга олоҥхону биирдиилээн толоруу  күрэһэ (буолар сирэ И.Слепцов аатынан норуот  айымньытын киинэ)

11-00 ч.- Кыраайы үөрэтэр ааҕыылар (Уолба орто оскуолата)

13-00 ч- 14-00 ч. – Эбиэт

15-00 ч. – “Өй оонньуута”

17-00 ч.-  Наҕараадалааһын