Арассыыйаҕа дьиэ-кэргэн, Саха Өрөспүүбүлүкэтигэр оҕо саас, Таатта улууһугар Таптал, Эрэл, Итэҕэл  сылларыгар саха дьахталларыттан биир бастакы үөрэхтээх, фольклору хомуйааччы, олоҥхоһут, учуонай, биир дойдулаахпыт М.Н.Андросова – Ионоваҕа төрөөбүтэ 160 сылыгар аналлаах улуустааҕы “Олоҥхоһут кыыс” конкурс

Балаһыанньата

Ыытыллар күнэ: Алтынньы 14 күнэ, 2024 с.

Буолар сирэ: Таатта улууһа, Уолба сэлиэнньэтэ

Тэрийээччи: Уолба орто оскуолата, И.Слепцов аатынан норуот айымньытын киинэ

Сыала:  Оҕоҕо төрүт үгэһи иҥэрии, олоҥхону ис хоһоонугар сөп түбэһиннэрэн, чуолкайдык саҥаралларын, толорууттан дуоһуйууну ылалларын ситиһии, өйдөрүгэр оҥорон көрөр дьоҕурдарын сайыннарыы.

Кыттааччылар:

1 бөлөх: Уһуйаан саастаах кыргыттар;

2 бөлөх: 1-4 кылаас кыргыттара. Олоҥхону толоруу уһуна – 7 мүнүүтэттэн кылгаабат.

3 бөлөх: 5-11 кылаас кыргыттара. Олоҥхону толоруу уһуна – 10 мүнүүтэттэн кылгаабат.

Кыттыы бэрээдэгэ:

• Уһуйаан саастаах кыргыттар талбыт олоҥхону кылгатан толорууларын видеоҕа устан алтынньы 10 күнүгэр дылы Уолба уһуйааныгар ыыталлар, кэтэхтэн кытталлар. Кыайыылаах кыыс алтынньы 14 күнүгэр тэрээһиҥҥэ кэлэн кыттар, наҕараадатын тутар;
• Оскуола саастаах кыргыттар алтынньы 14 күнүгэр тэрээһиҥҥэ кэлэн талбыт олоҥхолорун кылгатан толороллор.

Түмүк тахсыыта:

Кыайыылаах кыргыттар “Бастыҥ олоҥхоһут кыыс – 2024“  уонна атын анал аатынан, грамотанан наҕараадаланаллар. Дьүүллүүр сүбэ быһаарыыта бүтэһиктээх.

Тэрээһин уопсай ирдэбилэ: Кыттааччылар сайаапканы алтынньы 10 күнүгэр диэри түһэрэллэр. Кыттыы иһин хас биирдии кыттааччы 300 солк. төлүүр. Тэрийээччи тэрээһин боппуруоска уларытыыны киллэриэн сөп.  Кэлии-барыы, аһылык ороскуотун кыттааччылар бэйэлэрэ уйуналлар.

Билсэр телефоҥҥут:

Неустроева М.И. – 89627373797, э/п  uolbadou@mail.ru

Боппосова А.П. — 89679138762, 89243605962, э/п uolba@mail.ru

Семенова В.А. – 89245628209