Улуустааҕы киин библиотека уонна “Таатта” хаһыат редакцията үгэс буолбут сыл бастыҥ кинигэтин быһаарар “Кинигэ — 2024” куонкурустара быйыл уон сэттис төгүлүн ыытыллынна. Бырайыак олохтоох автордары өйүүр, кинилэр айар дьоҕурдарын сайыннарар, саҥа кинигэлэри учуоттуур уонна ааҕааччы киэҥ араҥатыгар билиһиннэрэр, бэчээттээһин хаачыстыбатын тупсарар, нэһилиэнньэни ааҕыыга тардар, кинигэ суолтатын үрдэтэр, библиотека фондун хаҥатар сыаллаах 2009 сыллаахха толкуйдаммыта.
Быйылгы куонкурска Баайаҕаттан, Игидэйтэн, Уолбаттан, Кыйыттан, Чөркөөхтөн, Чычымахтан, Туора Күөлтэн, Дьохсоҕонтон, Харбалаахтан уонна Ытык Күөлтэн барыта 32 олохтоох автордар 2024 сылга араас темаҕа республика бэчээттиир тэрилтэлэригэр таһаартарбыт кинигэлэрэ кытыннылар.
Куонкуруска киирбит кинигэҕэ тематын суолтата, билиини биэрэр хайысхата, ис хоһооно, тутула, суруллубут уус — уран маастарыстыбата, ис уонна тас көстүүтэ, полиграфическай хаачыстыбата, издательскай уонна библиографическай ирдэбили тутуһуута сыаналанна.
Дьүүллүүр сүбэ киирбит кинигэлэри көрөн баран 2024 сыл бастыҥ кинигэлэригэр анал ааттарынан кыайыылаахтары быһаарда:*
1. “Ааҕааччылар биһирэбиллэрэ” – Тааттаттан Анастасия Морхоева / хомуйан оҥордулар: Анастасия Александровна бииргэ төрөөбүттэрэ. – 2024 с. – 376 с.
2. “Бастыҥ уус-уран айымньы кинигэтэ” – Бочонин И. М. Олоххо тардыһыы. – Дьокуускай : Алаас, 2024. – 116 с.
3. “Нэһилиэк историятын үйэтитии” – Өбүгэлэрбитин үйэтитэн… (Таатта улууһа Амма нэһилиэгэ) / хомуйан оҥордулар: М. П. Табунанова, А. К. Татаринов. – Дьокуускай : Алаас, 2024. – 584 с.
4. ”Ааспыт кэм кэрэһитэ” – Таатта Пионерията / хомуйан бэчээккэ бэлэмнээтилэр: Л. Аввакумова, А. Аммосова. – Дьокуускай : Алаас, 2024. – 452 с.
5. “Хорсун буойуну сырдатыы” – Дойдум, дьонум туһугар / хомуйан оҥордулар: С. Репина, В. Васильева, А. Павлов ; редактор Е. Е. Перевалова. – Дьокуускай : Дани-Алмас, 2024. – 32 с.
6. “Үтүө дьону үйэтитии” – Наследие Ионовых : из собраний Ионовых по фольклору и религии якутов / составитель Е. И. Ушницкая. – Якутск : Алта, 2024. – 172 с.
Ытыктыыр биир дойдулаахпытын Елизавета Ивановна Ушницкаяны хомуйан таһаарбыт «Наследие Ионовых» кинигэтэ үрдүктүк сыаналаммытынан — «Үтүө дьону үйэтитии» номинация кыайыылааҕа буолбутунан — истиҥник эҕэрдэлиибит!
Кинигэ алектроннай варианын көрөр сигэ:
Ушницкая, Е. И. Наследие Ионовых : из собраний Ионовых по фольклору и религии якутов https://ytybibl.ru/index.php/poisk-knig/115/view_bl/70/istoriya/1241/nasledie-ionovykh-iz-sobranij-ionovykh-po-folkloru-i-religii-yakutov?tab=getmybooksTab&is_show_data=1