Ааспыт сыл ахсынньы ыйыгар нэһилиэкпитигэр «Уолба Пушкины ааҕар» бырайыак үлэтин саҕалаабыта. Бастакы түһүмэххэ үөрэнээччилэр А. С. Пушкин остуоруйаларын ааҕар сорудахтаах этилэр. Ыйы түмүктүүр тэрээһиҥҥэ оҕолор аахпыт остуоруйаларын ис хоһоонунан викторинаҕа илин-кэлин түһүстүлэр. Алын сүһүөх үөрэнээччилэргэ остуоруйаларга бастыҥ билиилээҕинэн 4 кылаас үөрэнээччилэрэ Кусатова Туйаара, Данилова Диана, Боппосов Сахайаан буоллулар. Улахан кылаас оҕолоругар саамай элбэх остуоруйаны ааҕан, викторинаҕа бастыҥнык эппиэттээн, 10 кылаас үөрэнээччитэ Данилова Ангелина таҕыста уонна тэрийээччилэртэн «Знаток сказок Пушкина» мэтээл ылла.

ыытыллыбыт тэрээһин туһунан сиһилии ютуб каналбытыгар тахсыбыт видеоролик нөҥүө билсиҥ